Digital Kafé

«Digital kafé» for å motverke sosial einsamheit.
Seniornett Sykkylven har sidan 2012 arrangert datakurs i samarbeid med Frivilligsentralen der mange eldre har deltatt. Men vi får ikkje med oss alle som har behov for å lære å bruke digital teknologi. Enkelte gruar seg for å delta eller har utfordringar med å delta i eit reint undervisningsopplegg. Tilbakemeldingar vi har fått er at dei gjerne kunne tenke seg noko meir uformelt, men samtidig ha moglegheita til å få hjelp og lære å meistre den digitale verda. Vi startar difor med ein sosialkveld «Digital kafé» ein gong i månaden på Fønixhuset, der vi tilbyr hjelp og rettleiing innan den digitale verda. Seniornett er ein seniororganisasjon, men vi har ingen aldersgrense for å delta på «Digital kafé», så ynger er også velkomne. Vi treng også fleire gode hjelparar (frivillige), så er du interessert i digital teknologi er du velkomen. Målet er å etablere eit sosialt nettverk og ein møteplass kor eldre og yngre med same interesse kan møtast.