Kvar torsdag har vi middag for pensjonistar som elles i veka sit aleine ved middagsbordet.
Det er felleskapet her som er like viktig som god mat.
Og god mat har vi hatt i alle dei åra vi har hatt dette tilbodet.

 

 

 

 

 

 

 

 

Kjellaug er den fjerde kokken som frivillig har stilt opp. Ho begynte no i haust,
og erstatta Odd som var her i fleire år etter at Svein og Margrethe starta dette flotte tiltaket.
Vi er kjempeheldige ved Frivilligsentralen som med alle tiltak har gode,
pliktoppfyllande frivillige å samarbeide med.
Sykkylven har vist seg å vere ei bygd med menneske som har stor vilje til å vere til nytte for andre.

Saman med seg på kjøkkenet torsdagane har Kjellaug hjelp av Arnhild, Janne, Anny og Elisabeth.
Alle har ulike oppgåver og viktige for å lage ei fin stund for dei 15-20 gjestane vi har rundt bordet torsdagane.
Dei fleste pensjonistane er «stamgjestar» i denne samanheng, og det set vi pris på,
men vil minne om at vi har plass til fleire!

Kvar mandag frå kl. 10.00 har ei gruppe frivillige starta opp enkel «kafedrift» med stor vekt på det sosiale. Oddrun, Evy, Gunvor,Janne og dei andre i komiteen seier dei vil utvide tilbodet om fleire vil nytte Fønix denne dagen.
Vi er heldige å ha Rune, han er stort sett innom for å steike sveler mandagane.
Marit dreiv i mange år bingo på Storhallen, og no er det Fønix som får nytte Marit sin ekspertise. Første mandagen i mnd. er ho tilstade mellom 12.00 og 13.00 med husbingo.

Framover mot jul (avslutning 14.des.) har sosial- kafèen desse aktivitetane mellom kl.12.00 – 13.00 kvar mandag:

Mandag 16 nov. Quiz
Mandag 23 nov. Brettspel
Mandag 30 nov. Quiz
Mandag 7 des. Husbingo
Mandag 14 des. Juleavslutning m/lotteri